Майстар-клас па вырабе ватных цацак пройдзе ў Магілёве

Абласны семінар-практыкум па вырабе цацак з ваты для майстроў дэкаратыўна-прыкладнога мастацтва, спецыялістаў клубных арганізацый пройдзе з 30 па 31 кастрычніка ў Магілёўскім абласным метадычным цэнтры народнай творчасці і культурна-асветнай работы. Пра гэта расказалі ва ўстанове культуры.

Удзельнікі семінара вывучаць традыцыі вырабу цацкі з ваты для далейшага выкарыстання атрыманых майстрамі ведаў на практыцы.

Як расказалі субяседнікі, майстар-класы і тэарэтычныя заняткі правядзе метадыст аддзела традыцыйнай мастацкай культуры КК «Магілёўскі абласны метадычны цэнтр народнай творчасці і культурна-асветнай работы» Злата Воднева.

На працягу некалькіх дзён майстры будуць знаёміцца з гісторыяй стварэння ватовай цацкі, выкарыстаннем традыцыйных тэхнік і прыёмаў для ватовага ўпрыгожвання, а таксама вырабяць фігуркі анёла і ёлачную шышку.

Галіна Гаўрыловіч