Шэраг актываў Шклоўскага раёна пяройдзе ва ўласнасць дзяржавы

Пастановай Савета Міністраў ад 24 кастрычніка 2024 года нумар 791 устаноўлена прыняць бязвыплатна да 1 лістапада ва ўласнасць Беларусі з уласнасці Шклоўскага раёна акцыі шэрага акцыянерных таварыстваў. Адпаведны дакумент апублікаваны на Нацыянальным прававым інтэрнэт-партале.

Пералік акцыянерных таварыстваў уключае ў сябе ЗАТ «Вялікія Славені», ААТ «Купалаўскае» - кіруючая кампанія холдынга», ААТ «Любінічы-Агра», ААТ «Новагарадзішчанскае» і ААТ «Шклоўскі масларобны завод». Самым буйным актывам з'яўляецца ААТ «Купалаўскае» - кіруючая кампанія холдынга», агульны кошт акцый якога ацэнены ў больш як Br51,4 млн. Кошт акцый ААТ «Новагарадзішчанскае» складае каля Br4,8 млн, ААТ «Любінічы-Агра» - звыш Br2 млн.

Дзяржаўнаму камітэту па маёмасці і Шклоўскаму райвыканкаму даручана прыняць меры па рэалізацыі дакумента.

БЕЛТА