Ірына Курачкіна заваявала бронзу чэмпіянату свету па барацьбе ў неалімпійскіх катэгорыях

Беларуская спартсменка Ірына Курачкіна стала прызёрам чэмпіянату свету па барацьбе ў неалімпійскіх вагавых катэгорыях, які праходзіць у сталіцы Албаніі Тыране.

Курачкіна паднялася на пастамент у вазе да 55 кілаграмаў. Напярэдадні ў папярэдніх сутычках наша спартсменка атрымала перамогі над расіянкай Вольгай Харашаўцавай, немкай Нінай Геммер і ўкраінкай Аляксандрай Хамянец, але ў паўфінале ўступіла японцы Маё Кіеоке. Сёння ў паядынку за трэцяе месца беларуска з лікам 5:3 перамагла Рамону Галамбош з Венгрыі. У актыве Курачкінай ужо былі два бронзавыя медалі з чэмпіянатаў свету (2017, 2019), таксама ў Ірыны ёсць срэбра Алімпіяды-2020 і тры золата кантынентальных форумаў (2018, 2021, 2024).

Удзел у спаборніцтвах па жаночай барацьбе ў Албаніі бралі яшчэ дзве беларускі - Вераніка Іванова (да 65 кг) і Анастасія Зімянкова (да 72 кг) - але абедзве завяршылі выступленні пасля першых жа сутычак. У турніры па вольнай барацьбе выступалі Арыян Цютрын (да 61 кг), Нюргун Скрабін (да 70 кг), Мікалай Савенка (да 79 кг) і Яраслаў Ядкоўскі (да 92 кг), аднак нікому з іх не ўдалося дабрацца да чвэрцьфінальнай стадыі ў сваіх вагавых катэгорыях. Такім чынам, бронза Курачкінай стала для дэлегацыі нейтральных атлетаў з Беларусі адзіным медалём на чэмпіянаце свету - 2024.

БЕЛТА