У 21 населеным пункце Магілёўшчыны аднаўляюць электразабеспячэнне пасля непагадзі

- У сувязі з неспрыяльнымі ўмовамі надвор'я ў ноч з 3 на 4 лістапада парывамі ветру месцамі да 22 м/с парушалася электразабеспячэнне населеных пунктаў у асобных раёнах Магілёва і Магілёўскай вобласці. Прычынамі аварыйных адключэнняў сталі паваленыя дрэвы і галінкі на лініі электраперадачы, абрывы правадоў, - прывялі падрабязнасці энергетыкі. - Па стане на 8:00 персанал электрасеткавых філіялаў РУП «Магілёўэнерга» вядзе работы па аператыўным аднаўленні электразабеспячэння 21 населенага пункта вобласці.

Асобна адпрацоўваюцца заяўкі, якія паступілі ад спажыўцоў па сетцы 0,4 кВ.

Паводле звестак РУП «Магілёўэнерга», спецыялісты энергасістэмы працягваюць весці ўзмоцнены маніторынг стану электрасеткавага абсталявання і метэаралагічнай абстаноўкі.

Моцны вецер за тры дні паваліў у Магілёўскай вобласці больш за 20 дрэў

 СБ, БЕЛТА