ЦВК: для правядзення выбараў Прэзідэнта ў тэрытарыяльныя камісіі вылучана 1725 прадстаўнікоў

Для правядзення выбараў Прэзідэнта ў Беларусі будуць сфарміраваны 153 тэрытарыяльныя камісіі, у ліку якіх 6 абласных і Мінская гарадская, 118 раённых, 4 гарадскія (у гарадах абласнога падпарадкавання), 24 раённыя ў гарадах. Пра гэта паведамілі ў ЦВК.

У камісіі вылучана 1725 прадстаўнікоў. З іх у абласныя - 82, у Мінскую гарадскую - 13, у раённыя - 1306, у гарадскія (у гарадах абласнога падпарадкавання) - 44, у раённыя ў гарадах - 280 прадстаўнікоў.

Больш за ўсё вылучылі сваіх прадстаўнікоў палітычныя партыі і іншыя грамадскія аб'яднанні - 1179 чалавек. У тым ліку ад Беларускай партыі «Белая Русь» вылучаны 141 чалавек, ад Камуністычнай партыі Беларусі - 71, Ліберальна-дэмакратычнай партыі Беларусі - 20, Рэспубліканскай партыі працы і справядлівасці - 42, грамадскага аб'яднання «Белая Русь» - 141 чалавек, Беларускага рэспубліканскага саюза моладзі - 129, Беларускага саюза жанчын - 131, Беларускага грамадскага аб'яднання ветэранаў - 118, прафесійных саюзаў, якія ўваходзяць у ФПБ, - 282, іншых грамадскіх аб'яднанняў - 104.

Ад грамадзян шляхам падачы заяў у камісіі вылучаны 443 прадстаўнікі, ад працоўных калектываў - 103.

БЕЛТА