Гандбалісты нацыянальнай зборнай Беларусі сталі пераможцамі турніру ў Магілёве

У магілёўскім спарткомплексе «Алімпіец» завяршыўся турнір з удзелам беларускіх і расійскіх гандбалістаў.

У рашаючым паядынку за першае месца сустрэліся нацыянальныя зборныя Беларусі і Расіі. Беларусы з першых хвілін захапілі ініцыятыву і шмат у чым дзякуючы выдатнай гульні галкіпера Вячаслава Салдаценкі пайшлі на перапынак з перавагай у тры мячы - 16:13. У другой палове гульні госці паступова скарачалі адставанне і за 7 хвілін да фінальнай сірэны дагналі сапернікаў - 27:27. Аднак затым гаспадары зноў вырваліся наперад і ў выніку выйгралі з мінімальнай перавагай у ліку - 32:31. Да гэтага падапечныя Юрыя Шаўцова разграмілі маладзёжныя зборныя Беларусі (50:30) і Расіі (31:18).

У матчы дзвюх «маладзёжак» перамогу з лікам 35:29 атрымалі расіяне, якія занялі трэцяе выніковае месца.

БЕЛТА