Хакеісты «Дынама-Шынніка» выйгралі шосты матч запар у МХЛ

Хакеісты бабруйскага «Дынама-Шынніка» атрымалі чарговую перамогу запар у рэгулярным чэмпіянаце Маладзёжнай хакейнай лігі сезона-2024/25.

У аўторак падапечныя Андрэя Міхалёва гасцявалі ў маскоўскага МХК «Дынама». Гэты паядынак стаў для бабруйскага клуба першым з канца кастрычніка: каляндар «шыннікаў» перад сезонам быў складзены з улікам паўзы на міжнародныя матчы. Перапынак даўжынёй тры тыдні не адбіўся на гульні каманды - дынамаўцы абгулялі прадстаўніка элітнага «Залатога» дывізіёна з лікам 5:2. Дубль аформіў Аляксандр Яцэнка, яшчэ па шайбе дадалі Арсеній Чухраеў, Багдан Белкін і Алег Хомчанка.

Гэта перамога стала для «Дынама-Шынніка» шосты запар, а серыя з набранымі ачкамі дасягнула адзінаццаці матчаў. Дзякуючы раней здабытаму запасу балаў бабруйчане захавалі першае месца ў табліцы «Сярэбранага» дывізіёна МХЛ, прычым усе асноўныя канкурэнты правялі на некалькі гульняў больш. Наступны паядынак нашыя хакеісты таксама правядуць у Маскве, супрацьстаяць беларусам 22 лістапада будзе моладзевая каманда ХК «Спартак».

БЕЛТА