Хакеісты «Магілёва» разграмілі «Авіятар» у матчы экстралігі

Матчы ў Маладзечне, Баранавічах і Жлобіне адкрылі гульнявую праграму 25-га тура ў рэгулярным чэмпіянаце беларускай хакейнай экстралігі сезона-2024/25.

У першым паядынку суботы сышліся лідэр турнірнай табліцы «Дынама-Маладзечна» і аршанскі «Лакаматыў». Вароты «бела-блакітных» у гэтым матчы абараняў камандзіраваны з менскага «Дынама» Ягор Вельмакін. Па ходзе сустрэчы аршанцы вялі з лікам 3:0, але ўсяго за дзесяць хвілін у другім перыядзе гаспадары аднавілі парытэт, дубль аформіў Аляксандр Каракулька. Зыход сустрэчы ў заключнай трэці вырашыла адзіная шайба, якую закінуў форвард «Лакаматыва» Максім Субоцін. У выніку 3:4, дынамаўцы церпяць трэцюю няўдачу запар.

Яшчэ больш дзейсным аказаўся паядынак у Баранавічах паміж двума горшымі на дадзены момант камандамі сезона – «Авіятарам» і «Магілёвам». Госці знялі ўсе пытанні аб пераможцы ўжо да экватара сустрэчы, паразіўшы чужыя вароты пяць разоў. У наступныя паўгадзіны гульнявога часу «львы» засмуцілі гаспадароў яшчэ тройчы, адказ «лётчыкаў» апынуўся вельмі сціплым. Фінальны лік - 8:2, магіляўчане здабылі два ачкі ўпершыню з пачатку лістапада. Аўтарам дзвюх шайб і дзвюх галявых перадач у гасцей стаў Максім Аскараў.

БЕЛТА