Прэм'ера фільма «Чорны замак» пройдзе ў кінатэатрах Магілёва.

З 12 снежня ў кінатэатрах «Радзіма», «Чырвоная Зорка», «Космас» Магілёўскага дзяржаўнага прадпрыемства «Кінавідэапракат» адбудзецца прэм'ера фільма «Чорны замак».

Гэта захапляльны прыгодніцкі фільм з дэтэктыўным сюжэтам і элементамі гістарычнага фэнтэзі, створаны на аснове бэстсэлера класіка савецкай беларускай літаратуры Уладзіміра Караткевіча «Чорны замак Альшанскі».

Галоўны герой малады прафесар Антон Косміч (акцёр Яўген Шварц) трапляе ў бяду пасля таго, як у яго руках аказваецца старажытнае Евангелле, якое належала роду Альшанскіх. Дзеля таго, каб выратаваць сябе і разгадаць таямніцы мінулага, ён адпраўляецца ў Альшаны. Паралельна развіваюцца падзеі ў мінулым, якія звязаны з загадкамі сучаснасці.

Рэжысёр-пастаноўшчык Кірыл Кузін.

У галоўных ролях сузор'е расійскіх і беларускіх акцёраў - Яўген Стычкін, Яўген Шварц, Віталь Кішчанка, Віктар Вяржбіцкі, Анастасія Красоўская, Вераніка Усцімава і іншыя.

Білеты можна набыць на сайце mogilevkino.by і ў касах кінатэатраў.

Інфалінія: 8 (0222) 42-19-49 – кінатэатр «Радзіма»; 8 (0222) 76-30-74 - кінатэатр «Чырвоная Зорка»; 8 (0222) 42-41-97 - кінатэатр «Космас».

Рэд.