Адкрыты Рэспубліканскі турнір «Кубак Залатога Льва» па тайландскім боксе і кікбоксінгу пройдзе ў Магілёве з 17 па 19 студзеня

Адкрыты Рэспубліканскі турнір «Кубак Залатога Льва» па тайландскім боксе і кікбоксінгу сярод аматараў пройдзе ў Магілёве з 17 па 19 студзеня.

У спаборніцтвах будуць прымаць удзел некалькі катэгорый спартсменаў: мужчыны і жанчыны, юніёры і юніёркі, юнакі і дзяўчаты.

Спаборніцтвы будуць праходзіць згодна з алімпійскай сістэмай - выбыванне пасля першай паразы. Падчас спаборніцтваў суддзі вызначаць пераможцаў у кожнай вагавой і ўзроставай катэгорыі, а таксама абяруць лепшыя каманды.

Папярэднія баі пройдуць 17 студзеня (пятніца), 18 студзеня (субота) адбудуцца паўфіналы, фінальныя выступленні будуць праходзіць 19 студзеня (нядзеля). Старт усіх паядынкаў будзе пачынацца а 10-й гадзіне.

Пляцоўкай для турніру стане спартыўны комплекс «Алімпіец» (вул. 30 гадоў Перамогі, 1А). Уваход вольны.

Галіна Гаўрыловіч