Леанід Заяц сустрэўся з працоўным калектывам ААТ «Бабруйскі завод раслінных алеяў»

Старшыня Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцовым самакіраванні Леанід Заяц у рамках Адзінага дня інфармавання сустрэўся з працоўным калектывам ААТ «Бабруйскі завод раслінных алеяў».

Галоўная тэма сустрэчы - ключавыя дасягненні суверэннай Беларусі і маючыя адбыцца выбары Прэзідэнта краіны. Ужо больш за тры дзесяцігоддзі Рэспубліка Беларусь з'яўляецца дзяржавай, у аснове палітыкі якой - дабрабыт чалавека і годныя ўмовы яго жыцця. У нашай краіне прыкладаецца максімум намаганняў для таго, каб Беларусь квітнела, людзі жылі мірна, хадзілі на працу, выхоўвалі дзяцей. Сацыяльная сфера - прыярытэт дзяржаўнай палітыкі. Спікер засяродзіў увагу на развіцці прамысловага комплексу, сельскай гаспадаркі, сістэмы адукацыі, медыцыны, энергетыкі.

– Нам ёсць што бараніць. Усе мы хочам жыць у стабільнай, мірнай і бяспечнай краіне, ствараць даброты, гадаваць дзяцей і ўпэўнена глядзець у будучыню. Таму я заклікаю вас прыйсці на выбарчыя ўчасткі 26 студзеня і зрабіць свой выбар на карысць квітнеючай Беларусі, - сказаў Леанід Канстанцінавіч.

Людміла Крычка, намеснік дырэктара па ідэалогіі, кадрах і сацыяльных пытаннях:

- Работнікі нашага прадпрыемства гатовы прыняць актыўны ўдзел у выбарах Прэзідэнта нашай краіны. Гэта павінен быць лідэр, які аб'ядноўвае людзей, гарант свабоды, міру і стабільнасці. Гісторыя паказала, што мы ідзем наперад і толькі наперад. Будучыню Беларусі я бачу мірнай, стваральнай, стабільнай.

Ірына Рудая, намеснік дырэктара па вытворчасці:

- Гэта наш грамадзянскі абавязак, які мы ўсе павінны выканаць. Ад нашага выбару залежыць будучыня нашай краіны, нашых дзяцей Прэзідэнт павінен быць кіраўніком, упэўненым, рашучым і весці за сабой народ.

Алеся Мянькоўская, памочнік дырэктара па эканамічных пытаннях:

- Жыхары краіны павінны прыняць удзел у выбарах. Гэта наш грамадзянскі абавязак. Нам патрэбны моцны лідэр, дзякуючы якому наша Беларусь будзе і надалей паспяхова развівацца.

 СБ