Сучасны свінакомплекс пабудуюць у Клімавіцкім раёне

У Клімавіцкім раёне з'явіцца новы комплекс па адкорме свіней. Замоўцам выступае Клімавіцкі камбінат хлебапрадуктаў. Комплекс разлічаны на адкорм і ўтрыманне 51 тысячы галоў свіней за год. Агульны кошт рэалізацыі праекта складзе каля 69 млн рублёў - гэта сам комплекс і інжынерна-транспартная інфраструктура. Ужо гатова праектна-каштарысная дакументацыя, яна прайшла дзяржаўную экспертызу, адкрыта фінансаванне. Генеральным падрадчыкам выканання работ з'яўляецца ДУКВП «Магілёўаблсельбуд».

Яшчэ адным інвестпраектам, рэалізаваным у 2023 годзе, стаў рэпрадуктар на 3,6 тысячы галоў асноўных свінаматак. Будаўніцтва рэпрадуктара стала важным этапам рэалізацыі праграмы па аднаўленні аб'ёмаў вытворчасці свініны ў Магілёўскай вобласці. Гэта самы маштабны інвестыцыйны праект Магілёўшчыны ў рамках указа Прэзідэнта аб сацыяльна-эканамічным развіцці паўднёва-ўсходняга рэгіёна Магілёўскай вобласці.

СБ