«Белавія» аб'явіла аб старце продажаў білетаў на рэйсы Магілёў - Масква

«Белавія» аб'явіла аб старце продажаў білетаў на рэйсы Магілёў - Масква - Магілёў, паведамілі ў авіякампаніі.

Палёты па новым напрамку пачнуцца з 28 красавіка.

Рэйсы будуць выконвацца два разы на тыдзень: па панядзелках і чацвяргах. Вылет з Магілёва - 21.00, прылёт у Маскву (Шарамеццева) - у 22.25, вылет з Масквы - у 18.55, прылёт у Магілёў - у 20.20.

Час у палёце складзе 1 гадзіну 25 хвілін. Кошт білетаў - ад Br167 у адзін бок і ад Br309 - туды-назад (тарыф «Лайт»).

Білеты можна купіць на сайце авіякампаніі, у офісах продажаў і ў агентаў.

БЕЛТА