«Універсітэцкую прыгажуню» абяруць у МДУ Куляшова 6 сакавіка

Конкурс «Універсітэцкая прыгажуня» пройдзе ў Магілёўскім дзяржаўным універсітэце імя А.А. Куляшова. Пра гэта расказала начальнік аддзела па ідэалагічнай і выхаваўчай рабоце Алена Малдаванава.

Яркае вясновае мерапрыемства адбудзецца 6 сакавіка. У ім прымуць удзел 9 лепшых канкурсантак, якія прайшлі папярэдні адбор.

На сцэне актавай залы ўніверсітэта дзяўчаты будуць дэфіліраваць, удзельнічаць у аратарскім конкурсе, дэманстраваць кулінарнае майстэрства, а таксама расказваць аб сваім свеце захапленняў.

Як расказала Алена Малдаванава, студэнткі рыхтаваліся да гэтай падзеі некалькіх тыдняў. Для іх былі праведзены трэнінгі, фотасесіі і відэаздымкі.

Па выніках конкурсу вызначыцца ўладальніца тытула «Універсітэцкая прыгажуня», а таксама пераможцы ў намінацыях «За артыстызм і выканальніцкае майстэрства», «Анлайн-галасаванне», «За арыгінальнасць і знаходлівасць», «За педагагічны талент» і інш.

Даведачна: конкурс прыгажосці праводзіцца ў мэтах падтрымкі таленавітых і грамадска актыўных маладых грамадзян, удасканалення інтэлектуальных здольнасцей, раскрыцця творчага патэнцыялу і эстэтычнага густу студэнцкай моладзі.

Рэд.