Ягор Шарамкоў выйграў бронзу ў апорным скачку на этапе Кубка свету ў Баку

Магіляўчанін Ягор Шарамкоў заваяваў другі медаль на першым этапе Кубка свету па спартыўнай гімнастыцы ў сталіцы Азербайджана.

У нядзелю мужчыны вызначалі наймацнейшых у апорным скачку. За першую спробу Шарамкоў атрымаў 13,933 бала, за другі скачок - 14,266. Сярэдні вынік беларуса склаў 14,099 ачка, што прынесла яму трэцяе месца сярод васьмі фіналістаў. Перамогу атрымаў украінец Назар Чапурны (14,466), срэбра ўзяў Хуан Мінцы з Кітая (14,416).

Напярэдадні на бакінскім этапе Кубка свету Ягор заваяваў золата ў вольных практыкаваннях, таксама 8 сакавіка на вышэйшую прыступку п'едэстала па выніках праграмы на разнавысокіх брусах узнялася наша Алена Цітавец.

Шарамкоў заваяваў золата на этапе Кубка свету ў Баку ў вольных практыкаваннях

БЕЛТА