Мастер-классы и спортивный драйв: Белыничи станут площадкой молодежного регионального проекта

24 красавіка ў Бялынічах пройдзе маштабны сумесны праект «Маленькі рэгіён — вялікія перспектывы» Рэспубліканскага савета працуючай моладзі пры Міністэрстве адукацыі Рэспублікі Беларусь сумесна з Магілёўскай абласной радай працуючай моладзі і Бялыніцкай раённай радай працуючай моладзі.

Як удакладнілі арганізатары, пляцоўкай для маладзёжнага рэгіянальнага праекта стане не толькі сам райцэнтр, але і наваколлі. У рамках прамысловага турызму яго ўдзельнікі пабываюць на Бялыніцкім філіяле ААТ «Бабулін гладыш», у аграгарадку Вішоў зробяць экскурсію па музеі СВК «Калгас «Радзіма», паўдзельнічаюць у майстар-класе «Адзін дзень у прафесіі агранома». Яшчэ адзін унікальны майстар-клас – «Энергія Перамогі» - дадуць моладзі ў фізкультурна-аздараўленчым комплексе «Друць» прафесійныя трэнеры рэспубліканскага класа: гулец нацыянальнай зборнай Беларусі па гандболе Максім Бабічаў і трэнер-выкладчык Рэспубліканскага цэнтра Алімпійскага рэзерву па гандболе Алег Клыкаў.

Гасцям свята таксама раскажуць аб таленавітых людзях, якія ўслаўляюць гэты край. У гэты ж дзень адбудзецца пасяджэнне рэспубліканскага савета працуючай моладзі «Перспектывы ў адзінстве».

А завершыцца мерапрыемства «Спартыўным драйвам» - маладзёжным таварыскім матчам па гандболе з удзелам запрошаных гасцей і спартыўнага сектара рэгіёну, а таксама ўзнагароджваннем пераможцаў.

СБ