Мэмарыяльны комплекс «Боркі» ў Кіраўскім раёне

15 чэрвеня 1942 года ў Кіраўскім раёне Магілёўскай вобласці прайшла адна з самых буйных карных аперацый нацыстаў на тэрыторыі Беларусі ў час Вялікай Айчыннай вайны. У той дзень фашысты знішчылі разам з жыхарамі вёску Боркі і некалькі прылеглых да яе пасёлкаў. Былі спалены і расстраляны больш за 2 тыс. мірных жыхароў.

У 2019 годзе было прынята рашэнне рэканструяваць мемарыял у вёсцы Боркі і стварыць на гэтым месцы кампазіцыю, якая б у поўнай меры паказала ўсе зверствы нацызму.

Па праекце з'явіліся элементы мемарыяльнага комплексу, якія ўвасабляюць жах трагедыі ў Борках: скульптурныя кампазіцыі «Беларусь - смуткуючая маці», «Вуліца», «Полымя», «Калодзеж».

БЕЛТА