Фіналамі ў асобных відах завяршыўся чэмпіянат Беларусі па спартыўнай гімнастыцы ў Магілёве

У Магілёве вызначыліся ўсе пераможцы і прызёры чэмпіянату Беларусі па спартыўнай гімнастыцы 2025 года, паведамілі ў прэс-службе Мінспорту.

У суботу ўдзельнікі галоўнага ўнутранага старту разыгралі медалі ў асобных відах. Двухразовым пераможцам турніру стаў лідэр нацыянальнай каманды Ягор Шарамкоў, які выйграў фіналы ў апорным скачку і вольных практыкаваннях. Аляксей Селязнёў атрымаў перамогу на кольцах, Багдан Іллінкоў першынстваваў на паралельных брусах, Мікіта Парфяновіч паказаў лепшы вынік на кані, а Дзяніс Старавойтаў быў мацнейшым на перакладзіне.

У дзяўчат два золата заваявала Сафія Штыхецкая, якой не было роўных на розных брусах і ў апорным скачку. Медаль вышэйшай пробы на бервяне ўзяла Анастасія Сманцэр, а ў вольных практыкаваннях перамагла Кіра Магарэвіч. Напярэдадні Штыхецкая стала чэмпіёнкай Беларусі ў мнагаборстве, сярод мужчын самы прэстыжны від праграмы выйграў Алег Цясельскі.