Акунуцца ў Сярэднявечча: Мсціслаў запрашае на «Рыцарскі фэст»

Яркае маштабнае свята сярэднявечнай культуры гэтымі выхаднымі пройдзе ў Мсціславе. Сямнаццаты па ліку, на гэты раз ён крыху зменіць звыклы фармат. Упадабаныя гледачам з розных гарадоў турніры лучнікаў, бугурты і штурм замка застануцца ў праграме, але старт «Рыцарскаму фесту» будзе дадзены не на Цэнтральнай плошчы Пятра Мсціслаўца, а на Замкавай гары, адзначыла начальнік аддзела культуры Мсціслаўскага райвыканкама Наталля Біскуп.

Тут адбудуцца захапляльныя трукавыя шоу, масавыя баталіі пешых рыцараў, разгорне працу горад майстроў, дзе рамеснікі будуць даваць майстар-класы. Напрыклад, па шатландскіх, сярэднявечных танцах. На інтэрактыўнай пляцоўцы «Старажытная кавадла» — па стварэнні кованых рэчаў. На свяце госці змогуць пакаштаваць найсмачны мсціслаўскі квас, даведацца пра формулу сярэднявечных страў і пакаштаваць іх — пад адкрытым небам. Конна-гістарычны клуб «Залатая шпора» пакажа гатычную казку «Помста i Магiла льва», пасля чаго на Замкавай гары пройдуць тактычныя бугурты - захоп сцяга, ахова караля, масавыя бітвы.

Шмат на фэсце абяцаюць і тэматычных пляцовак: вулічная батлейка, квэсты, выставы-інтэрактывы. А ў ноч з суботы на нядзелю на Замкавай гары пройдзе паказ агністай сагі і канцэрт.

Тэмай сёлетняга фэсту, паводле слоў Наталлі Біскуп, будзе «Магія сярэднявечча», так што землякам і гасцям горада абяцаюць сустрэчы з чараўнікамі, ведзьмакамі і лекарамі. Выключна белымі, якія нясуць мудрасць і дабрыню.

 СБ