Дабрачынны квіз правядзе БРСМ да новага навучальнага года

На летняй пляцоўцы кінатэатра «Чырвоная Зорка» 7 жніўня ў 19:00 адбудзецца дабрачынны квіз «Аб усім!»: «У школу з Добрым Сэрцам».

Як паведамілі ў абкаме БРСМ, мерапрыемства арганізавана з мэтай аказання дапамогі сем'ям, якія маюць у гэтым патрэбу, у падрыхтоўцы да новага навучальнага года. Удзел у квізе змогуць узяць каманды ад 2 да 6 чалавек. Білетам на ўдзел у гульні стануць школьныя прылады (сшыткі, ручкі, алоўкі, заплечнікі і іншыя канцтавары). Усе сабраныя прадметы будуць перададзены выхаванцам Кіраўскага цэнтра карэкцыйна-развіваючага навучання і рэабілітацыі, а таксама сем'ям горада Магілёва і Магілёўскай вобласці, якія маюць у гэтым патрэбу. Удзельнікаў чакаюць цікавыя пытанні на агульную эрудыцыю, прызы, прагляд фільма пад адкрытым небам. Мерапрыемства адкрыта для ўсіх ахвочых.

Арганізатары адзначаюць: «Дабрачынны квіз - выдатная магчымасць сумясціць прыемнае з карысным: праверыць свае веды ў сяброўскай атмасферы і пры гэтым зрабіць добрую справу».

Рэд.