Хакеісты «Магілёва» былі мацнейшымі за «Славуціч» у матчы Кубка Салея

Паядынак смаленскага «Славуціча» і хакейнага клуба «Магілёў» завяршыў гульнявую праграму нядзелі на групавым этапе Кубка Руслана Салея.

Стартавая трэць матча ў Смаленску завяршылася ўнічыю 1:1. У другім перыядзе магіляўчане закінулі тры шайбы на працягу дзесяці хвілін, на што сапернік адказаў толькі адным голам перад адыходам на перапынак. У канцоўцы сустрэчы «львы» двойчы паразілі пустыя вароты гаспадароў, у выніку 6:2. Дубль за гасцей аформіў Аляксандр Ярмоленка, тры галявыя перадачы аддаў Ягор Арбузаў. «Магілёў», які стартаваў на турніры з двух паражэнняў, атрымаў ужо трэцюю перамогу запар.

Раней 10 жніўня «Хімік» дома ў авертайме адолеў «Віцебск» (1:0), а аршанскі «Лакаматыў» на выездзе быў мацнейшы за «Гомель» (1:0). На дадзены момант табліцу пула «Б» з 7 баламі ўзначальвае «Віцебск», за якім ідуць «Магілёў» і «Лакаматыў», якія набралі па 6 ачкоў. Следам размяшчаюцца «Металург» (5), «Славуціч» (4), «Гомель» (3) і «Хімік» (2). Групавы этап завершыцца 19 жніўня, у плей-оф выйдуць чатыры лепшыя каманды.

У панядзелак чарговыя матчы ў Кубку Салея правядуць клубы пула «А». «Ліда» прыме баранавіцкі «Авіятар» (пачатак у 18.00), лідэр септэта «Юнацтва» ў Мінску згуляе з «Дынама-Маладзечна» (19.00), а гродзенскі «Нёман» на сваім лёдзе сустрэнецца з «Брэстам» (20.10).

БЕЛТА