У Беларусі дадзены старт першым закупкам з адной крыніцы на электроннай гандлёвай пляцоўцы

У Беларусі дадзены старт першым закупкам з адной крыніцы на электроннай гандлёвай пляцоўцы, паведамілі ў Нацыянальным цэнтры маркетынгу.

З 10 жніўня 2025 года ўступіла ў сілу пастанова Савета Міністраў ад 8 мая 2025 года №252 «Аб выпадках і парадку правядзення працэдуры закупкі з адной крыніцы на электроннай гандлёвай пляцоўцы». Як паведамляюць у Нацыянальным цэнтры маркетынгу, першыя заказчыкі і арганізатары ўжо скарысталіся абноўленым функцыяналам.

Нацыянальны цэнтр маркетынгу прапануе пастаўшчыкам і заказчыкам скарыстацца міні-гайдамі. Таксама можна звярнуцца ў кол-цэнтр па нумарах 311-81-21 і 193.

Як раней заяўляла намеснік міністра антыманапольнага рэгулявання і гандлю Наталля Васілеўская, пераход у лічбу павысіць празрыстасць дзяржзакупак з адной крыніцы. «Сёння адбываецца актыўная лічбавая трансфармацыя. І, вядома, такая сфера, як дзяржаўныя закупкі, не можа застацца ў баку. Нельга казаць аб дзяржзакупках у адрыве ад цыфравізацыі. Мы дакладна разумеем, што гэта абмяжоўвае ўдзел суб'ектаў гаспадарання ў працэдурах закупак, у тым ліку на знешніх рынках. Таму працэс цыфравізацыі ідзе дастаткова актыўна, у тым ліку ў такой важнай сферы эканомікі, як дзяржаўныя закупкі. Што тычыцца закупак з адной крыніцы, гэты працэс дастаткова неканкурэнтны. А пераход у лічбу падвышае галоснасць, празрыстасць працэдур. Больш удзельнікаў даведаюцца аб дзяржзакупках, больш кампаній могуць на лічбавай пляцоўцы ўдзельнічаць у працэдурах. На наш погляд, гэта будзе прыводзіць да зніжэння кошту і паляпшэння ўмоў», - сказала Наталля Васілеўская.

БЕЛТА