Беларуска-расійскі форум «Моладзь - за Саюзную дзяржаву» пройдзе ў Магілёве 4-8 верасня

Моладзевы форум «Моладзь - за Саюзную дзяржаву» пройдзе ў Магілёве 4-8 верасня. Аб гэтым журналістам расказаў сакратар ЦК БРСМ Павел Алекса.

«Мы пачалі прыём заявак на ўдзел у беларуска-расійскім форуме «Моладзь - за Саюзную дзяржаву», які адбудзецца 4-8 верасня ў Магілёве», - сказаў Павел Алекса. - Форум нарадзіўся з традыцыйнага моладзевага творчага фэсту, які на працягу амаль двух дзесяцігоддзяў праходзіў у Расіі. У гэтым годзе ён упершыню адбудзецца ў Магілёве».

Сакратар ЦК БРСМ зазначыў, што гэта конкурс не толькі вакалістаў і харэографаў. Гэта яшчэ і форум маладых гісторыкаў, які пройдзе на базе нядаўна адкрытага Музея Славы Магілёўшчыны, на пляцоўках і навучальных класах Магілёўскага дзяржаўнага ўніверсітэта імя А. А. Куляшова і Беларуска-Расійскага ўніверсітэта.

Арганізатарам форуму з'яўляецца Пастаянны камітэт Саюзнай дзяржавы, а БРСМ выступае каардынатарам і адказным за беларускую дэлегацыю..

БЕЛТА