Пейзаж Юлія Клевера «Закат» будзе прадстаўлены ў Магілёве на выставе адной карціны

Пейзаж Юлія Клевера «Закат» будзе прадстаўлены з 22 жніўня па 2 лістапада ў філіяле Нацыянальнага мастацкага музея Рэспублікі Беларусь «Музей В.К. Бялыніцкага-Бірулі» на «Выстаўцы адной карціны» з фондаў Нацыянальнага мастацкага музея Рэспублікі Беларусь. Пра гэта паведамілі ва ўстанове культуры.

Па словах суразмоўцаў, карціна будзе прадстаўлена з нагоды 175-годдзя з дня нараджэння аўтара.

«На «Выстаўцы адной карціны» будзе прадстаўлена палатно «Заход» (1920 г.), выкананае ў характэрнай для аўтара манеры. Зімовы густы яловы лес асветлены барвяным заходам і вабіць нас пагрузіцца ў гэтую казачна-загадкавую атмасферу», - распавялі супрацоўнікі музея

Даведачна: Юлій Юльевіч Клевер (1850 – 1924) - выдатны рускі пейзажыст нямецкага паходжання рамантычнага і салонна-акадэмічнага стылю, з арыгінальным творчым почыркам, акадэмік і прафесар жывапісу Імператарскай акадэміі мастацтваў, Заслужаны дзеяч мастацтваў РСФСР.

Клевераўскі пейзаж спалучае ў сабе ўяўную амаль фатаграфічную рэалістычнасць, гіперрэалістычнасць і наўмысную, знарочыстую «прыгожасць»: аўтар як бы канструюе выгляд, ідэалізуе яго. І часта рамантычны пейзаж з дэкаратыўнымі эфектамі выглядае казачна-загадкавым, містычным, фантастычным… Не выпадкова Ю.Ю.Клевер вядомы як прызнаны майстар заходу.

Урачыстае адкрыццё выставы адбудзецца 22 жніўня ў 12.00.

Рэд.