30 маладых спецыялістаў прысвяцілі ў прафесію ў Магілёўскай бальніцы №1

Урачыстае мерапрыемства «Прысвячэнне ў прафесію» правялі ў Магілёўскай бальніцы №1, падчас якога адбылося ўшаноўванне 30 маладых медыкаў, якія ў жніўні прыйшлі на сваё першае працоўнае месца. Сярод маладых спецыялістаў - 6 чалавек з вышэйшай медыцынскай адукацыяй і 24 - з сярэдняй.

Урачыстае мерапрыемства стала важным этапам у прафесійным жыцці навічкоў. Кіраўніцтва бальніцы давала наказ маладым калегам, пажадаўшы ім быць чулымі і міласэрнымі, пастаянна ўдасканальвацца, не баяцца цяжкасцей, якія непазбежна сустракаюцца ў пачатку кар'еры.

— Наша ўстанова аховы здароўя мае багатую гісторыю і традыцыі. Маладым спецыялістам трэба будзе пераняць вопыт папярэднікаў і прадоўжыць лепшыя традыцыі, — адзначыла галоўны ўрач Магілёўскай бальніцы №1 Ірына Ляховіч.

- Шмат гадоў таму, будучы такім жа выпускніком медвуза, ведаю, як не проста вучыцца і пачынаць свой працоўны шлях, - сказаў старшыня Магілёўскай абласной арганізацыі Беларускага прафсаюза працаўнікоў аховы здароўя Аляксандр Басенка. - Менавіта таму так важная сістэма настаўніцтва, якая дапамагае адаптацыі маладых кадраў на першым працоўным месцы. Не саромейцеся звяртацца за дапамогай да сваіх дасведчаных калег. Бо вашых ведаў і кампетэнтнасці залежаць жыцці пацыентаў. Адкрывайце новае, становіцеся прафесіяналамі і, канешне ж, актыўнымі ўдзельнікамі прафсаюзнага руху.

Напрыканцы цырымоніі новапрыбылым медыкам уручылі пасведчанні маладога спецыяліста і каштоўныя падарункі.

mogilev.1prof.by