У Магілёве прайшла прэс-канферэнцыя, прысвечаная фестывалю творчасці інвалідаў «Разам мы зможам больш»

Прэс-канферэнцыя, прысвечаная мерапрыемству Саюзнай дзяржавы «Фестываль творчасці інвалідаў «Разам мы зможам больш», прайшла сёння ў Магілёве

У ёй прынялі ўдзел кіраўнікі творчых дэлегацый, члены журы, удзельнікі фестывалю і прадстаўнікі сродкаў масавай інфармацыі рэгіёна. У тым ліку - народны артыст Расійскай Федэрацы Васіль Аўсяннікаў, заслужаны дзеяч культуры Рэспублікі Беларусь Святлана Стацэнка, народны артыст Беларусі Уладзімір Громаў, заслужаны работнік культуры РФ Ада Бубарава, дацэнт Акадэміі харавога мастацтва імя В.С. Папова г. Масква Галіна Марахтанава, заслужаны работнік РФ Аляксандр Дабранраваў, дырэктар Магілёўскага абласнога метадычнага цэнтра народнай творчасці і культурна-асветнай працы Алег Хмялькоў і інш.

- Фармат гэтага мерапрыемства унікальны, і такіх высокіх планак дасягаюць далёка не ўсе прафесійныя конкурсы, - адзначыла старшыня журы Святлана Стацэнка. - Асобны дзякуй маім калегам па журы за гэтыя дні напружанай працы. Выбар перад намі стаяў неверагодна складаны. Усе калектывы прыехалі выдатна падрыхтаванымі, і што не можа не цешыць - не было адкрыта слабых нумароў. Падчас абмеркавання мы літаральна вырашалі пытанне паміж «дзевяць з плюсам» і «дзясяткай». Узровень удзельнікаў быў настолькі блізкі, што розніца складала часам паўбала, якія, на жаль, пазбаўлялі кагосьці прызавога месца. Прызавых месцаў, прызнаюся, нам заўсёды хочацца больш.

Звяртаючыся да прадстаўнікоў дэлегацыяй, Васіль Аўсяннікаў падзякаваў ім за іх працу:

- Хачу сказаць вам самыя простыя і шчырыя словы: вы - малайцы, - сказаў Васіль Пятровіч. - Ваша энергія і адданасць творчасці выклікаюць вялікую павагу. Вы заўсёды ў цэнтры падзей свайго рэгіёна, а прыехаўшы на гэты надзвычайны фестываль, падарылі ўсім нам часцінку свайго майстэрства і той унікальны вопыт, які нараджаецца з вашай штодзённай працы.

Яшчэ адзін член журы, Аляксандр Дабранраваў адзначыў, што ён упершыню пабываў на гэтым фестывалі.

- Для мяне гэты фестываль стаў асаблівым, першым у сваім родзе, - падкрэсліў ён. - Я ўпершыню на мерапрыемстве, дзе галоўныя героі - людзі з неабмежаванымі магчымасцямі духу. І гэта зрабіла на мяне незгладжальнае ўражанне.

Як адзначыў Алег Хмялькоў, фестываль збірае ўдзельнікаў на Магілёўскай зямлі ўжо чацвёрты раз. Раней мерапрыемства праводзілася раз на два гады, а з гэтага будзе кожны год.

mogilevnews.by