Пытанні добраўпарадкавання тэрыторый і рамонту жылля разгледзелі на асабістым прыёме старшыні Магілёўскага аблвыканкама

Старшыня Магілёўскага аблвыканкама Анатоль Ісачанка правёў сёння асабісты прыём грамадзян. Звароты жыхароў рэгіёну датычыліся добраўпарадкавання тэрыторыі, рамонту дамоў і будаўніцтва каналізацыі.

Так, жыхары жылых дамоў 153 і 155 па вул. Першамайскай у Магілёве прасілі напоўніць вадой вадаём, які знаходзіцца ў зоне адпачынку. Заяўнікі таксама прапанавалі падчас суботніка правесці высадку раслін для ўмацавання берага вадаёма і стрымлівання яго ўсыхання.

Яшчэ адна магіляўчанка звярнулася па пытанні аказання садзейнічання ў рамонце даху жылога дома, які пацярпеў пасля разгулу ліпеньскага ўрагану.

Як высветлілася падчас прыёму, з-за стыхіі пашкодзіліся чатыры лісты шыферу. Усе аднаўленчыя работы былі выкананы. Дзяржавай аказана матэрыяльная дапамога.

Што датычыцца дзіравай ад часу даху, то грамадзянцы растлумачылі: у гэтай прыватнай уласнасці ёсць два ўладальнікі. Згодна з Грамадзянскім кодэксам, яны нясуць адказнасць за стан дома. Выканаць работу на сённяшні дзень за кошт бюджэтных сродкаў немагчыма.

Таксама жанчыне ў адпаведнасці з нарматыўнымі патрабаваннямі выдзелена жыллё для грамадзян, якія маюць патрэбу ў падтрымцы. У бліжэйшы час у жылым памяшканні будуць выкананы неабходныя рамонтныя работы. І магіляўчанка зможа засяліцца ў кватэру.

Па садзейнічанне ў магчымасці выкупу свабоднай у блакіраваным жылым доме арэнднай кватэры або ў выкананні рамонту гэтага памяшкання, а таксама ў навядзенні парадку на прыдамавой тэрыторыі звярнуліся жыхаркі Ленінскага раёна Магілёва.

Як высветлілася, раней усе кватэры знаходзіліся і зараз знаходзяцца ў прыватнай уласнасці. Аднак адна з кватэр працяглы час была не заселена. Згодна з заканадаўствам, жыллё было прызнана вымарачным і перададзена на абслугоўванне ў гарадскую ўласнасць. У цяперашні час кватэра патрабуе дастаткова сур'ёзнага рамонту для наступнай здачы яе ў арэнду.

Акрамя таго, падчас прыёму разгледзелі звароты па пытанні рамонту стыкаў і ўцяплення сценавых панэляў у кватэры аднаго з дамоў па вуліцы Куляшова ў Магілёве, а таксама будаўніцтва каналізацыі ў Клімавічах.

Усе пытанні разгледжаны. Па кожным з іх будуць прыняты адпаведныя рашэнні.

Галіна Гаўрыловіч, фота аўтара