Дзелавы форум, кірмаш і канцэрты. Дні Беларусі пройдуць у Прыморскім краі

Дні Рэспублікі Беларусь пройдуць з 7 па 12 кастрычніка ў Прыморскім краі Расійскай Федэрацыі. Ключавыя мерапрыемствы разгорнуцца ў сталіцы рэгіёна - Уладзівастоку, паведамілі ў прэс-службе краявога ўрада.

Праграмай запланаваны беларуска-расійскі форум, сесіі па напрамках «медыцына», «маладзёжная палітыка», «турызм», а таксама B2B-перагаворы, спаборніцтвы па настольным тэнісе і сумесныя канцэрты.

На цэнтральнай плошчы Уладзівастока разгорнуцца выстаўка буйнагабарытнай беларускай тэхнікі і кірмаш беларускіх тавараў. На кірмашы будзе прадстаўлена малочная, мясная, кандытарская прадукцыя вядомых беларускіх вытворцаў.

9 кастрычніка пройдуць дзелавыя перагаворы прадпрымальнікаў Прыморскага края і Рэспублікі Беларусь. Перагаворы плануецца правесці па чатырох напрамках: аграпрамысловы сектар, рыбагаспадарчы комплекс, харчовая галіна, дрэваапрацоўка.

Таксама 9 кастрычніка ва Уладзівастоку адбудзецца сумесны канцэрт артыстаў Прыморскай краёвай і Магілёўскай абласной філармоній.

БЕЛТА