Дыялогавая пляцоўка на тэму «Сям'я пад абаронай закона» пройдзе ў Магілёве 16 кастрычніка

Дыялогавая пляцоўка на тэму «Сям'я пад абаронай закона» пройдзе ў Беларуска-Расійскім універсітэце 16 кастрычніка. Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

«Мэта мерапрыемства - зрабіць заканадаўства даступным і зразумелым для кожнай сям'і, - растлумачылі ў моладзевай арганізацыі. - Для таго, каб маладыя грамадзяне ведалі свае правы і ўмелі іх абараняць, асабліва ў такой важнай сферы, як сямейныя адносіны».

У ролі спікераў выступяць аўтарытэтныя эксперты ў галіне права: прадстаўнікі Беларускага рэспубліканскага саюза моладзі (БРСМ), адвакаты, натарыусы і спецыялісты органаў юстыцыі. Яны падзеляцца з удзельнікамі актуальнай інфармацыяй і дадуць кампетэнтныя адказы на самыя набалелыя пытанні.

Ва ўсіх прысутных будзе магчымасць задаць пытанні гасцям і атрымаць бясплатную юрыдычную кансультацыю па сваёй канкрэтнай сітуацыі.

Рэд.