У Магілёўскай вобласці па папярэдніх дадзеных 390 выпускнікоў закончылі школу з медалямі. З іх залатыя ўзнагароды атрымаюць 362 адзінаццацікласнікі, сярэбраныя – 28, паведаміў першы намеснік начальніка галоўнага ўпраўлення па адукацыі аблвыканкама Сяргей Сыранкоў.
«У 2018/2019 навучальным годзе выпускнікоў-медалістаў на 55 больш у параўнанні з мінулым, – адзначыў суразмоўца. – Пры гэтым колькасць дзяцей, якія скончылі сярэднюю школу, на 400 менш і складае 6,3 тыс.»
Уручаць юнакам і дзяўчатам атэстаты аб агульнай сярэдняй адукацыі і медалі будуць традыцыйна на выпускных вечарах, якія адбудуцца 8–9 чэрвеня. Яны пройдуць на базе навучальных устаноў. Таксама па ўзгадненні з галоўным упраўленнем па адукацыі аблвыканкама магчымы варыянты іх правядзення ў цэнтрах творчасці дзяцей і моладзі, палацах культуры, ва ўстановах дадатковай адукацыі.
Для стварэння бяспечных умоў правядзення ўрачыстых мерапрыемстваў арганізуюць дзяжурства супрацоўнікаў унутраных спраў. А падчас мерапрыемстваў, прысвечаных выпускному вечару, навучэнцаў будуць суправаджаць бацькі і настаўнікі адпаведна спецыяльна арганізаванаму дзяжурству.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці