Рэспубліканская спартакіяда школьнікаў па спартыўнай гімнастыцы завяршылася сёння ў Магілёўскім Палацы гімнастыкі. Пра гэта паведамілі ў гарадской СДЮШАР «Багіма».
За званне наймацнейшых змагалася каля 70 спартсменаў 2003 года нараджэння і маладзейшыя з усіх абласцей і горада Мінска.
Паспяхова выступіла на спаборніцтвах зборная Прыдняпроўскага краю. Другое агульнакаманднае месца заняла наша дружына ў складзе магілёўцаў Аляксея Селязнёва, Максіма Гуца, Дар’і Мацюшэнкі, Лізаветы Чарновай, Ксеніі Болцікавай і бабруйчан Паўла Смірнова, Данііла Баранава, Улада Акушэвіча, Вікторыі Каблаш і Таццяны Бярозкінай. Пераможцамі спартакіяды сталі прадстаўнікі Мінска, трэцімі – Гомельскай вобласці.
У камандным першынстве юнакі Магілёўскай вобласці паклалі ў скарбонку бронзу.
Не засталіся без узнагарод нашы спартсмены і ў асобных відах. Так, Дар’я Мацюшэнка заняла другое месца ў апорным скачку і трэцяе – на бервяне. Цэлы россып узнагарод сабраў на спартакіядзе Аляксей Селязнёў. Ён стаў найлепшым на брусах, паказаў сярэбраны вынік у апорным скачку, вольных практыкаваннях і на перакладзіне, трэці – на кольцах і конь-махах. Акрамя таго, у мнагабор’і па праграме майстроў спорту Аляксей Селязнёў заваяваў сярэбраны медаль.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23