Магілёўскае маршрутнае таксі № 10 будзе ездзіць да Гарадшчыны

Магілёўскае маршрутнае таксі № 10 будзе ездзіць да Гарадшчыны. Пра гэта паведаміла начальнік упраўлення эканомікі гарвыканкама Ала Багаценка.

Паводле яе слоў, маршрутка, як і раней, будзе пачынаць рух ад вуліцы Фаціна і рухацца да абласной бальніцы, а далей яе шлях працягнецца да мікрараёна Гарадшчына.

Інфраструктура Гарадшчыны з кожным годам паляпшаецца. Як заўважыў дырэктар прадпрыемства «Упраўленне капітальным будаўніцтвам г. Магілёва» Андрэй Маскалёў, да 1 кастрычніка ў мікрараёне завершаць пракладку вадаправода, каналізацыі і ліній электраперадач. Затым будаўнікі зробяць жвіровыя пад’езды да прыватных дамоў.

Па матэрыяле ТРК «Магілёў»