У Магілёўскай вобласці ўтворана 739 участкаў для галасавання

На тэрыторыі Магілёўскай вобласці ўтворана 739 участкаў для галасавання па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання. Пра гэта паведамілі ў Магілёўскай абласной выбарчай камісіі.

З іх 36 ўтвораны ў шпіталях, санаторыях і іншых установах аховы здароўя. Асаблівасць іх працы будзе заключацца ў тым, што спісы выбаршчыкаў для галасавання там вывесяць не за 15 дзён да даты выбараў, а за два дні.
«Рашэнні аб утварэнні ўчасткаў для галасавання былі прыняты на пасяджэннях раённых выканаўчых камітэтаў і выканкамаў мясцовых адміністрацый па ўзгадненні з акруговымі выбарчымі камісіямі. Улічваліся і патрабаванні выбарчага заканадаўства, згодна з якім колькасць выбаршчыкаў на адным участку не павінна перавышаць 3 тыс. чалавек», – адзначылі суразмоўцы.

На гэты момант у Магілёўскай вобласці пачалося вылучэнне прадстаўнікоў у склад участковых камісій. Вылучаць сваіх прадстаўнікоў у склад участковых камісій маюць права палітычныя партыі і іншыя грамадскія аб’яднанні, працоўныя калектывы, а таксама грамадзяне шляхам падачы заявы не пазней за 29 верасня 2019 года. Стварэнне ўчастковых камісій згодна з каляндарным планам павінна завяршыцца не пазней за 2 кастрычніка 2019 года.