У вёсцы Паляткі Краснапольскага раёна сёлета пайшлі на эксперымент і пасеялі поле сланечнікаў

У вёсцы Паляткі Краснапольскага раёна сёлета пайшлі на эксперымент і пасеялі поле сланечнікаў.

Фермер Антон Уласаў, гараджанін і гісторык па адукацыі, паспяхова вырошчвае збожжавыя, разводзіць бычкоў і авечак. А сёлета ён нават пайшоў на эксперымент: пасадзіў поле сланечнікаў, якое займае ў гаспадарцы паўтара гектара. Арыентаваўся на тое, што ў расійскай глыбінцы, Саратаве, Пензе і Тамбове, сланечнік выспявае як трэба, але там халадней, чым у нас. А сланечнікавая семка – гэта каштоўная дабаўка ў корм. У ход ідуць і алей, і жмых.

Фермерскай гаспадарцы «Прыгорскае» – усяго 3 гады. Яна ўключае амаль 6 сотняў гектар зямлі і будынак былой фермы. Працуюць тут жыхары суседняга аграгарадка Горы і райцэнтра.

У дзесяцігоддзе сямейных фермерскіх гаспадарак, якое абвясціла ААН, фермер Антон Уласаў ідзе з новым праектам: стварэнне вытворчасці кармавых дабавак для жывёлы. Адсюль і эксперымент з сланечнікамі.

ТРК «Магiлёў»