У музеі В. К. Бялыніцкага-Бірулі прэзентавалі альбом, прысвечаны творчаму шляху знакамітага мастака Магілёўшчыны

У музеі В. К. Бялыніцкага-Бірулі прэзентавалі альбом пад назвай «Зноў заквітнела вясна», прысвечаны творчаму шляху знакамітага мастака Магілёўшчыны. Яго выпусціла выдавецтва «Беларуская энцыклапедыя» за сродкі Саюзнай дзяржавы.

Альбом змяшчае выявы больш за 100 найлепшых карцін мастака і больш за 50 фатаграфій з яго жыцця.

У найбліжэйшыя дні выданне прэзентуюць і ў расійскім музеі-сядзібе «Паленава», дзе жыў і тварыў Вітольд Каэтанавіч. У планах выдавецтва падрыхтаваць яшчэ больш аб’ёмны альбом, прысвечаны нашаму выдатнаму земляку. Творчы праект падтрымала Міністэрства інфармацыі. Прэзентацыя новага альбома пройдзе ў Бялыніцкім музеі імя В. К. Бялыніцкага-Бірулі падчас святкавання Дня беларускага пісьменства, адзначыў генеральны дырэктар Нацыянальнага мастацкага музея Беларусі Уладзімір Пракапцоў.

ТРК "Магілёў"