Акцыя «У славу агульнай Перамогі!» пройдзе сёння ў Горках

Сёння на пляцоўцы каля мемарыяльнага комплексу «Журботная маці» ў Горках будзе шматлюдна. Паўтары сотні чалавек (кіраўніцтва вобласці і горада, ветэраны, актывісты грамадскіх арганізацый) збяруцца тут падчас патрыятычнай акцыі «У славу агульнай перамогі!».

Падчас цырымоніі крыштальную капсулу напоўняць зямлёй з брацкіх магіл, падзялілася першы сакратар Горацкага раённага камітэта БРСМ Марына Бандык:

– Нашы актывісты сабралі зямлю з 44 воінскіх пахаванняў раёна. Ушануем памяць загінулых хвілінай маўчання.

9 мая 118 капсул з зямлёй – па адной з кожнага раёна – закладуць у крыпту Храма-помніка ў гонар Усіх Святых у Мінску.

По матэрыяле СБ