«Белкартаграфія» выдала турысцкі атлас па Магілёўскай вобласці

Серыю турысцкіх атласаў абласцей Беларусі, якія выпускаюцца «Белкартаграфіяй», папоўніў даведнік па Магілёўскай вобласці, паведамілі ў Дзяржаўным камітэце па маёмасці.

Атлас змяшчае інфармацыю аб адміністрацыйна-тэрытарыяльным дзяленні рэгіёна, агульнагеаграфічную карту ў маштабе 1:250 000, дапоўненую аб’ектамі індустрыі турызму і краязнаўчага значэння. Таксама маюцца планы цэнтральных частак гарадоў з іх гербамі і славутасцямі.

Выданне змяшчае кароткае апісанне вобласці, населеных пунктаў, якое суправаджаецца фотаздымкамі. Прадстаўлены адрасы, тэлефоны, сайты і e-mail турысцкіх аздараўленчых комплексаў, баз, дамоў адпачынку, дамоў паляўнічых і рыбаловаў, санаторыяў і аграсядзіб.

Атлас, упэўненыя яго складальнікі, стане незаменным памочнікам у вывучэнні прыроды, гісторыі і культуры вобласці і цудоўным даведнікам для жыхароў і гасцей краю.

Фота – Дзяржаўны камітэт па маёмасці Беларусі