Абласны этап XII Рэспубліканскага конкурсу «Энергамарафон-2019» праводзіцца ў Магілёўскай вобласці з лістапада гэтага года па студзень 2020-га, паведамілі ў галоўным упраўленні па адукацыі Магілёўскага аблвыканкама.
Удзельнікамі спаборніцтва могуць стаць навучэнцы і педагогі ўстаноў дашкольнай, агульнай сярэдняй, прафесійнай, дадатковай адукацыі дзяцей і моладзі рэгіёна. На конкурс прадастаўляюцца праекты з практычнымі прапановамі па эфектыўным і рацыянальным выкарыстанні энергарэсурсаў ва ўстановах адукацыі і ў побыце. Гэта могуць быць рэкламныя відэаролікі, плакаты, малюнкі, улёткі, відэаматэрыялы і сцэнарыі культурна-відовішчных мерапрыемстваў.
Работы будуць прэзентаваныя ў намінацыях «Праект практычных мерапрыемстваў па энергазберажэнні», «Культурна-відовішчнае мерапрыемства па прапагандзе эфектыўнага і рацыянальнага выкарыстання энергарэсурсаў», «Мастацкая праца па прапагандзе эфектыўнага і рацыянальнага выкарыстання энергарэсурсаў», «Сістэма адукацыйнага працэсу і інфармацыйна-прапагандысцкай працы ў сферы энергазберажэння ва ўстанове адукацыі».
Мэта мерапрыемства – фарміраванне актыўнай сацыяльнай пазіцыі дзяцей і моладзі па рацыянальным выкарыстанні энергарэсурсаў і беражлівым стаўленні да навакольнага асяроддзя, павышэнне культуры абыходжання з энергарэсурсамі, выяўленне і распаўсюджванне эфектыўнага вопыту работы ўстаноў адукацыі па энергазберажэнні.
Найлепшыя работы будуць прадстаўлены на рэспубліканскім этапе конкурсу ў сакавіку будучага года.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці