Прафсаюзы вобласці 13 студзеня падвядуць вынікі работы за апошнія 5 гадоў, а таксама выберуць лідара Магілёўскага абласнога аб’яднання прафсаюзаў. Мерапрыемства адбудзецца ў 12.00 у канферэнц-зале Магілёўскай гасцініцы «Турыст».
Удзел у справаздачна-выбарнай канферэнцыі прымуць старшыня Федэрацыі прафсаюзаў Беларусі Міхаіл Орда, прадстаўнікі абласной і гарадской выканаўчай улады, дэпутацкага корпуса.
Асноўныя акцэнты ў межах канферэнцыі будуць зроблены на аналізе такіх важных для развіцця эканомікі рэгіёна паказчыкаў, як рост заработнай платы, абарона сацыяльна-эканамічных правоў і інтарэсаў працоўных, прадухіленне выпадкаў вытворчага траўматызму, сацыяльнае партнёрства.
Маштабная справаздачна-выбарная кампанія праходзіць у грамадскай арганізацыі з пачатку 2019 года. Ужо падведзены вынікі і абраны кіраўнікі ў кожнай першаснай прафсаюзнай арганізацыі, раённых і гарадскіх аб’яднаннях прафсаюзаў.
Справаздачна-выбарная канферэнцыя 13-га студзеня стане на абласным узроўні завяршальным этапам падвядзення вынікаў работы прафсаюзных органаў усіх узроўняў.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.05.2024 - 11:13
03.05.2024 - 10:47
02.05.2024 - 15:29
02.05.2024 - 13:30
«Героям пераможнага мая!» МК «Батальён міліцыі» арганізуе інтэрактыўныя лакацыі 3 мая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці