Конкурс «СуперДоктар–2019»: у Магілёўскай вобласці найбольшую колькасць водгукаў удзячных пацыентаў набрала педыятр Кацярына Маргунова з Клічава

Падведзены вынікі конкурсу «СуперДоктар–2019». Акрамя абсалютнага пераможцы, арганізатары спаборніцтвы вызначылі лідараў у кожным рэгіёне краіны. У Магілёўскай вобласці найбольшую колькасць водгукаў удзячных пацыентаў–81–набрала педыятр Кацярына Маргунова з Клічава.

Сёлета спаборніцтва працягваецца. Усе, хто хоча выказаць падзяку доктару і намінаваць яго на конкурс, могуць да 30 снежня пакідаць свае водгукі на сайце праекта або даслаць іх на паштовы адрас 220095, Мінск, вул. Пляханава, 62-46 з пазнакай «СуперДоктар». Любы пацыент можа пакінуць водгукі неабмежаванай колькасці ўрачам, але не больш за аднаго кожнаму з іх. Адмоўныя водгукі не ўлічваюцца і не публікуюцца. Таксама будзе ўзнагароджаны аўтар найлепшага водгуку.

На думку арганізатараў, колькасць станоўчых водгукаў–гэта самы справядлівы крытэрый у выбары найлепшага ўрача.

Конкурс праводзіцца ўжо чацвёртым разам. У 2016 годзе пераможцай стала Наталля Мартусевіч–галоўны пазаштатны рэўматолаг Міністэрства аховы здароўя.

Арганізатарамі выступаюць анлайн-супольнасць урачоў Doctors Club і ГА «Беларуская асацыяцыя ўрачоў».