Камітэт дзяржаўнага кантролю Магілёўскай вобласці ў 2019 годзе выявіў парушэнні парадку завяршэння знешнегандлёвых аперацый у 25 арганізацыях рэгіёна. Пра гэта паведаміў першы намеснік старшыні ведамства Юрый Фралоў.
Суб’екты гаспадарання і 28 службовых асоб, якія працуюць у гэтых арганізацыях, былі аштрафаваныя на Br171,4 тыс. З нядобрасумленных контрагентаў спагналі і прадугледжаныя кантрактамі няўстойкі.
Таксама былі прыняты меры па ліквідацыі выяўленых парушэнняў і недапушчэнні іх у далейшым.
У цэлым пратэрмінаваная запазычанасць замежных контрагентаў перад прадпрыемствамі Магілёўскай вобласці за студзень-лістапад мінулага года павялічылася на Br10,1 млн. (на 21,1%) і склала на 1 снежня 2019 года Br58 млн. Звыш 60% запазычанасці лічыцца за замежнымі партнёрамі арганізацый Бабруйска.
Выкананне даручэнняў кіраўніка дзяржавы па забеспячэнні своечасовага завяршэння знешнегандлёвых аперацый знаходзіцца на пастаянным кантролі, падкрэсліў Юрый Фралоў.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52