У Магілёве стартаваў Тыдзень занятасці насельніцтва. На ім прадстаўлена каля 1,5 тысяч прапаноў ад прадпрыемстваў горада. Наведаць бясплатныя кансультацыі змогуць не толькі магілёўцы, але і жыхары вобласці. Кірмашы вакансій будуць працаваць штодзённа з 11.00 да 12.00 па вуліцы Касманаўтаў, д. 17. Пра гэта паведаміла начальнік аддзела садзеяння ў працаўладкаванні ўпраўлення па працы, занятасці і сацыяльнай абароне гарвыканкама Вольга Круглікава.
Жыхароў рэгіёна, якія знаходзяцца ў пошуку працы, арганізатары запрашаюць 17–18 лютага. На месцы можна будзе азнаёміцца з шэрагам вакансій, якія маюць бонус у выглядзе прадастаўлення жылля.
Паводле слоў суразмоўніцы, тэматычныя кірмашы вакансій запланаваны на 19–21 лютага. Так, 19 лютага ва ўпраўленні па працы, занятасці і сацыяльнай абароне чакаюць людзей, якія гатовыя прайсці перанавучанне і атрымаць новую прафесію пад гарантыю наступнага працаўладкавання. Тэрміны навучання не працяглыя: як правіла, да 3 месяцаў, за выключэннем падрыхтоўкі кіроўцаў тралейбусаў. Форма навучання –дзённая з праходжаннем вытворчай практыкі на прадпрыемствах. У чацвер, 20 лютага, мерапрыемства пройдзе для беспрацоўных грамадзян, якія маюць групу інваліднасці. А ў пятніцу, 21 лютага, з патэнцыяльнымі наймальнікамі змогуць сустрэцца людзі ва ўзросце 50+.
Працоўныя месцы, што будуць прапанаваныя на разгляд, – гэта ў асноўным спецыяльнасці, у якіх наймальнікі маюць найбольшую патрэбу. Заяўлены месячны заробак на прапанаваных пасадах – ад Br450 да Br1200.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне
29.04.2024 - 15:59
Адзіны знак «Дрэва жыцця» ўстановяць ва ўсіх абласцях Беларусі ў памяць аб ахвярах генацыду
29.04.2024 - 12:15
29.04.2024 - 10:41
Мінадукацыі скарэктавала тэрміны прыёму ў 10-11-я класы гімназій і школ