Шклоўскі завод пастаўляе ў Егіпет спецыяльную паперу для выдання Карана

Прадпрыемствы «Беллеспаперапрама» планамерна асвойваюць рынкі афрыканскага кантынента, паведамілі ў канцэрне. Першыя пастаўкі прадукцыі ажыццяўляюцца ў Гану, Камерун, Кенію, Нігерыю і Марока. Экспартуюцца ў краіны Афрыкі ў асноўным папера, кардон і фанера.

А пачалося асваенне афрыканскага рынку з паставак у Егіпет у 2015 годзе. Супрацоўніцтва з гэтай краінай працягваецца: у прыватнасці, з 2019 года завод газетнай паперы ў Шклове пачаў пастаўляць у Егіпет таніраваную газетную паперу (крэмавага і аранжавага колеру), на якой друкуюць Каран, свяшчэнную для мусульман кнігу. Гэтай паперы ў мінулым годзе было пастаўлена ў Егіпет на $461 тыс.

Атрымаў завод егіпецкія заказы і на бягучы год – толькі ў лютым у гэтую краіну плануецца паставіць 165 т газетнай таніраванай паперы.

mogilevnews.by