Выхаванка чавускай ДЮСШ Дзінара Алімбекава выйграла кваліфікацыю суперспрынту на чэмпіянаце Еўропы ў «Раўбічах»

На чэмпіянаце Еўропы па біятлоне ў «Раўбічах» завяршылася кваліфікацыя жаночага суперспрынту. Дзінара Алімбекава, выкарыстаўшы адзін дадатковы патрон, пераадолела дыстанцыю за 9,42 хвіліны і паказала найлепшы вынік у гонцы. На другім месцы адборачны этап завяршыла ўкраінка Валя Семярэнка, замкнула тройку лідараў Элізабэт Оберг.

У фінал, дзе выступяць 30 найлепшых па выніках папярэдняга этапу спартсменак, прабіліся яшчэ тры беларускія біятланісткі: Ірына Крыўко, якая заняла 15-е месца, Ганна Сола, якая завяршыла гонку на 19-й пазіцыі, і Адэліна Сабітава, якая фінішавала з 28-м вынікам. Ірыне і Алене Кручынкіным трапіць у фінал суперспрынту не ўдалося: яны завяршылі кваліфікацыю на 49-м і 59-м месцах.

СБ