Фасады некалькіх дамоў на адной з цэнтральных вуліц горада на Дняпры будуць распісаны ў межах арт-праекта «Магілёў вачыма гасцей», які адбудзецца ў чэрвені гэтага года. Конкурс эскізаў ужо аб’яўлены.
– Для роспісу прапануем сцяну школы мастацтваў № 4 і жылога дома па вуліцы Ленінскай, 4. Яны абраны невыпадкова, паколькі гэтыя фасады ствараюць перспектыву на месца, дзе існаваў адзін з самых велічных храмаў Магілёва – Багаяўленская царква. Тут жа з пачатку XVII стагоддзя размяшчаўся Богаяўленскі манастыр, на тэрыторыі якога функцыянавала заснаваная Спірыдонам Собалем Брацкая друкарня, – расказвае дырэктар Музея гісторыі Магілёва Аляксей Бацюкоў. – Таму на конкурсе эскізаў першачарговае значэнне будзе надавацца творам, якія будуць звязаны з гісторыяй і спецыфікай гістарычнай забудовы навакольнай тэрыторыі.
Эскізы прымаюцца як аўтарскія, так і ад творчых груп. Фінансавацца праект будзе за кошт сродкаў гарадскога бюджэту.
Прапановы можна да 1 мая высылаць на адрас: ratusha.mogilev@gmail.com.
Вынікі конкурсу падвядзе камісія, у склад якой увойдуць прадстаўнікі ўпраўленняў культуры, архітэктуры і горадабудаўніцтва гарвыканкама, супрацоўнікі Музея гісторыі Магілёва і абласной арганізацыі «Саюза мастакоў Беларусі».
Дарэчы, падобны мастацкі роспіс ужо ўпрыгожвае некалькі будынкаў у цэнтры Магілёва. У 2017 годзе сцены аднаго з дамоў на вуліцы Ленінскай змяніў мастак Рыгор Шараеў, а ў 2018 – сцяну музея этнаграфіі па вуліцы Першамайскай – яго калега Вера Юркова.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.05.2024 - 14:05
Жыхары Краснапольскага раёна прэзентавалі свае дасягненні на фестывалі народнай творчасці ў Магілёве
10.05.2024 - 16:14
Што будзе новага на «Вялікі бард-рыбалцы» у 2024-м распавёў дырэктар музычнага фэсту
10.05.2024 - 10:02
07.05.2024 - 12:44
Выставачны праект «Праўда подзвігу. Перамозе прысвячаецца» стварыў музей Масленікава
03.05.2024 - 09:24