У Магілёве падвялі вынікі круглагадовай спартакіяды сярод прадпрыемстваў, арганізацый і ўстаноў за 2019 год

Штогод у Магілёве на працягу каляндарнага года праводзяцца спартакіяды сярод калектываў фізічнай культуры прадпрыемстваў, арганізацый і ўстаноў, арганізатарам якой з’яўляецца аддзел спорту і турызму Магілёўскага гарвыканкама.

Па выніках спартакіяды за 2019 год у II групе каманда інспекцыі Міністэрства па падатках і зборах па Магілёўскай вобласці заняла ганаровае першае месца з вынікам 26 ачкоў.

Другая пазіцыя ў каманды ААТ «Металургічны завод» (27 балаў). Трэцяя–у зборнай УАЗ «Магілёўскі абласны цэнтр гігіены, эпідэміялогіі і грамадскага здароўя» (32 балы).

Урачыстае ўзнагароджанне прызёраў спаборніцтва запланавана правесці ў Дзень работнікаў фізічнай культуры і спорту 15 мая 2020 года.

Усяго ў спаборніцтвах прымала ўдзел 7 каманд, уключаючы ВУ «Турма № 4», ААТ «Мажэліт», Тралейбусны парк № 1 Магілёўскага філіяла ААТ «Магілёўаблаўтатранс», Магілёўскі інстытут МУС Беларусі.

Каманды спаборнічалі ў лыжных гонках, стральбе з пнеўматычнай вінтоўкі, шахматах, вясеннім кросе, міні-гольфе, міні-футболе, дартсе, плаванні, гульні на більярдзе, настольным тэнісе і шашках.