Магілёўскі абласны мастацкі музей імя П. В. Масленікава запрашае на выставу эксперыментальных навук

Музей эксперыментальных навук «ЭКСПИРИмЕНтУС» працуе з 4 красавіка 2020 года ў Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.

Як расказалі суразмоўцы, экспазіцыя ўключае прыборы і прылады, якія дэманструюць фізічны бок дзіўных з’яў навакольнага свету. Наведвальнікі змогуць спаўна акунуцца ў атмасферу навуковых адкрыццяў і адчуць сябе даследчыкамі, а можа быць, нават вынаходнікамі. Вы не толькі ўбачыце разнастайныя прыборы і механізмы, але і асабіста апрабуеце іх дзеянне. Наша выстава – гэта займальны і захапляльны вольны час для ўсёй сям’і, дзе наглядна дэманструюцца розныя законы фізікі, прыродныя з’явы, аптычныя ілюзіі, прынцыпы працы тэхнічных прылад.

Наведаць выставу можна штодня з 11.00 да 19.00.