Сэрвіс для анлайн-дыягностыкі сімптомаў каранавіруса стварылі ў Беларусі

Рэзідэнт Парка высокіх тэхналогій кампанія Grin IT запусціла анлайн-сэрвіс sensmd.com для вызначэння групы рызыкі карыстальніка і верагоднасці яго заражэння COVID-19. Пра гэта паведамілі ў прэс-службе ПВТ.

Sens MD – гэта бясплатны інструмент, які дазваляе рэгулярна ў хатніх умовах праводзіць анлайн-дыягностыку сімптомаў каранавіруса, а таксама атрымліваць рэкамендацыі па далейшых дзеяннях.

Гэта першы лакалізаваны ў Беларусі і створаны разам з медыцынскімі спецыялістамі сэрвіс. У адрозненне ад існуючых у свеце трэкераў, праграма распрацавана для рэгулярнага выкарыстання з магчымасцю адсочваць развіццё сімптомаў у часе.

Мэта праекта, паводле слоў яго сузаснавальніка Мікіты Каешкі, – знізіць нагрузку на сістэму аховы здароўя з прычыны вялікай колькасці зваротаў пацыентаў і прапануе зручны інструмент, які дапаможа людзям па палічках раскласці сімптомы.

Прадукт распрацаваны пры ўдзеле беларускіх урачоў, якія актыўна працуюць з пацыентамі з COVID-19. Людзям з лёгкімі і непагрозлівымі для жыцця сімптомамі сэрвіс раіць не ісці адразу ў паліклініку або бальніцу, а застацца дома і адсочваць свой стан, тым самым зніжаючы рызыку заражэння.

БЕЛТА