«Омск Карбон Магілёў» атрымаў комплексны прыродаахоўны дазвол на ажыццяўленне гаспадарчай дзейнасці

Прадпрыемства «Омск Карбон Магілёў» атрымала комплексны прыродаахоўны дазвол, – праінфармавала адміністрацыя СЭЗ «Магілёў». Дакумент, выдадзены Магілёўскім абласным камітэтам прыродных рэсурсаў і аховы навакольнага асяроддзя, з дня ўводу аб’екта ў эксплуатацыю заменіць наяўныя на прадпрыемстве экалагічныя дазволы і стане адзіным дазвольным дакументам, які сведчыць права на выкіды забруджвальных рэчываў у атмасфернае паветра, захоўванне і пахаванне адходаў вытворчасці з улікам магчымага ўкаранення найлепшых даступных тэхнічных метадаў і ўстанаўлівае нарматывы, умовы ажыццяўлення гаспадарчай дзейнасці ў частцы аказання ўздзеяння на навакольнае асяроддзе.

Комплексны прыродаахоўны дазвол дае магчымасць «Омск Карбон Магілёў» ажыццяўляць гаспадарчую дзейнасць з дня ўводу ў эксплуатацыю другога пускавога комплексу, запланаванага на першае паўгоддзе бягучага года, да 30 сакавіка 2030 года.

mogilevnews.by