У новым футбольным сезоне першыя перамогі ў каманд Магілёўшчыны

Футбольныя каманды Магілёўскай вобласці пачалі новы сезон у другой лізе чэмпіянату Беларусі з перамогі.

Клуб «Горкі» дома памерыўся сіламі са «Жлобінам» і адолеў саперніка –3:1. У складзе гаспадароў забівалі Яўген Шапавалаў, Станіслаў Булах і Павел Купцоў. На апошніх хвілінах сустрэчы зламаць супраціўленне свайго апанента змог і клуб «Асіповічы». Калектыў з берагоў Свіслачы ўзяў верх над Мінскім «Энергетыкам-БДАТУ» – 4:3. У асіпаўчан галы на рахунку Аляксандра Емяльянава, Уладзіслава Лапко, Уладзіслава Стасенкі і Ільі Сапліна.

Яшчэ адзін прадстаўнік нашага рэгіёна –магілёўскі «Днепр»–празняцотную колькасць каманд у сваёй падгрупе прапускаў першы тур.

У турніры футбалісты з Магілёва стартуюць у найбліжэйшыя выхадныя хатнім матчам у абласным дэрбі: «Днепр» пазмагаецца з «Асіповічамі». «Горкі» ж свой чарговы паядынак правядуць у гасцях супраць клуба з Рагачова.

ТРК «Магілёў»